Gjatë këtij viti u lansua seriali shumë i përfolur “Rrushe” i zhanrit dramë/krim, prodhuar nga gjirafaStudios i cili sjelli risi për nga mënyra e realizimit, kastës së aktorëve si dhe trajtimit të ngjarjeve.
“Rrushe” është seriali më i madh që është prodhuar në vendet shqipfolëse ku ka mbledhur aktorët më të mirënjohur në vend si Çun Lajçi, Xhevat Qorraj, Enver Petrovci, Bislim Muçaj, Aurita Agushi, Shkumbin Istrefi, Adriana Matoshi, Doresa Rexha, Armend Smajli, Eshref Durmishi, Adrian Morina, Arta Muçaj, Ernest Malazogu, Andi Bajgora, e shume të tjerë.
Se sa me përkushtim, dashuri e pasion është punuar ky serial kanë treguar aktorët përmes këtyre intervistave në “Rrushe në brendësi”.
Secili aktor flet me shumë emocione për eksperiencën e tyre në serial si dhe shumica prej tyre janë me lot në sy.
Intervistat mund t’i ndiqni në videon më poshtë.
Gjithë ju që nuk e keni parë sezonin i të serialit “Rrushe” e gjeni online në GjirafaVideo.com.
“Rrushe” është serial dramë/krim, me familjen Pirulli si protagonistë kryesorë. Familja Pirulli janë një familje e zakonshme prishtinase, apo së paku kështu duken në sytë e të tjerëve. Vesa, vajza e familjes, punon si gazetare hulumtuese. Por, një e kaluar e errët, e mistershme dhe brutale, që gjenezën e kishte në bujari e mirësi, rikthehet që t’ua ndryshojë jetërat atyre që më së paku e meritojnë. E në udhëkryq të kësaj ngjarje gjindet Vesa, për të cilën koncepti i drejtësisë dhe dashurisë do të ndryshojë përgjithmonë.
Seriali “Rrushe” trajton dy periudha kohore që ndërlidhen mes vete: Të tashmen dhe fundin e viteve ’90.
Rrushe “Në brendësi” – Intervista të thelluara me aktorët e serialit, tani ONLINE në gjirafaVideo.com
Seriali Rrushe rikthehet të dielen me një episodë tjetër fantastike. Pas episodit dramatik që u shfaq të
dielen e kaluar, këtë fundjavë pritet edhe një episodë tjetër interesante.
Drama dhe emocioni që përfshinë episodin e trembëdhjetë të serialit vendor Rrushe lanë publikun të
magjepsur dhe të shokuar. Vesa Pirulli zbulon fotografitë ku shihet xhaxhai i saj Agim Pirulli.
E bindur se ai është vrasësi i Arbenit dhe personave tjerë, Vesa denoncon Agimin në polici. Kjo rezulton në
arrestimin e tij. Mirëpo, derisa kjo ngjarje po ndodhte, Armend Pirulli zbulon të vërtetën e ndodhisë së
tij me shokun e ngushtë Arsimin. Këtë ndodhi ai e zbulon tek nëna e Arsimit, Besa Zeneli.
Ndodhitë e episodit të trembëdhjetë, bashkë me shumë ndodhi nga episodet e kaluara, do të sjellin një
episodë tjetër të mrekullueshme të serialit dramë-krim Rrushe.
Pra, këtë të diel, duke filluar nga ora 20:00 në kanalin T7, dhe duke vazhduar nga ora 21:00 në
gjirafaVideo, ju mund ta ndiqni episodin më të ri të Rrushe.
Promoja e episodit të katërmbëdhjetë u publikua në gjirafaVideo dhe atë mund ta shikoni më poshtë.
Episodi 13 i serialit, tani ONLINE në gjirafaVideo.com
Prodhim i gjirafaStudios
Një episod i shkëlqyer do t’ua bëjë të dielën mbrëma më argëtuese dhe emocionuese.
Seriali Rrushe me episodin e trembëdhjetë ka sjellur një tjetër mrekulli të kinematografisë vendore.
Në ora 20:00 në T7 u dha premiera e episodit të trembëdhjetë të serialit vendor Rrushe. Ndërsa këtë episodë tani mund ta shikoni kur do në gjirafaVideo. Episodi i ri i Rrushe është plot dramë, e shumë emocion. Në të shpalosen shumë mistere, ndërsa zhvillohen drama tjera, që këtë serial do ta bëjnë edhe më intrigues në episodat në vazhdim.
Vesa Pirulli gjindet në një udhëkryq të vështirë. Armendi, vëllau i Vesës, ka një dilemë tjetër të rëndësishme, një sekret që duhet ta tregojë. Derisa këta dy personazhe ballafaqohen me dilema morale, vëllezërit Mentor dhe Agim Pirulli kanë probleme tjera të mëdha.
Episodin e trembëdhjetë të Rrushe mund ta ndiqni më poshtë, apo të hyni direkt në gjirafavideo.com.
Seriali Rrushe rikthehet të dielën e ardhshme me po të njëjtin orar.
Episodi i katërt i serialit vendor Rrushe duket shumë interesant. Në promon e publikuar në gjirafaVideo, çfarë bjen në sy është një skenë nga e kaluara, personazhe të reja dhe fillimin e një lëvizjeje rezistence.
Seriali Rrushe rikthehet këtë të diel, nga ora 20:00 në kanalin T7 dhe nga ora 21:00 në gjirafaVideo. Seriali që po bëhet më atraktiv çdo episodë, duket se do të vazhdojë me ritmin e njëjtë edhe në episodin e katërt.
Deri tani kemi parë familjen Pirulli, e disa personazhe tjera, teksa ballafaqohen me vrasje, mister, e intriga. Mirëpo, në episodin e katërt duket se gjërat do të ndryshojnë. Një skenë nga promo e këtij episodi tregon se ngjarja kthehet në të kaluarën, ku dy personazhe bisedojnë për një lëvizje, të quajtur Lëvizja Qëndresa.
Duke mos dashur t’ia humbim efektin e befasisë kësaj episode, ju ftojmë ta ndiqni promon KËTU, ndërsa të dielen të përgatiteni për një episodë shumë të veçantë të serialit më të ri dramë-krim në vend.
Seriali “Rrushe”, me dy episodet e para ka filluar rrugëtimin e një drame të vërtetë, ku krimi, mashtrimet e fshehtësitë sa po shkojnë e po bëhen më intensive.
Episodi i tretë i “Rrushe” shfaqet këtë të diel.
Nga ora 20:00 në T7 dhe 21:00 në GjirafaVideo, seriali më i ri dramë-krim me titull Rrushe, do të vazhdojë të na lë pa fjalë, pas shumë zhvillimeve në dy episodet e para.
Episodi i tretë sjell pasojat e ngjarjeve që kaluan, por edhe zhvillime e personazhe të reja.
Misteri që përshkoi episodin e parë, u zhvillua tutje në episodin e dytë, e kjo i la shikuesit të shokuar me përfundimin, që e bën ngjarjen edhe më të rëndë e dramatike.
Se çfarë pritet të zhvillohet në episodin e tretë, ju mund ta shikoni promon e sapo lansuar KËTU ose në GjirafaVideo.
Mos harroni, “Rrushe” shfaqet të dieleve, nga ora 20:00 në kanalin T7, si dhe nga ora 21:00 online në GjirafaVideo.
Të dielën në orën 20:00, në kanalin T7 dhe në GjirafaVideo në ora 21:00 u publikua premiera e episodit të parë të serialit më të ri dramë-krim Rrushe, të prodhuar nga GjirafaStudios.
Seriali i shumëpritur Rrushe sonte filloi rrugëtimin, me premierën në kanalin T7 dhe në GjirafaVideo.
Episodi i parë i serialit na njoftoi me personazhet kryesore, familjën Pirulli, me Vesa Pirullin, e luajtur nga aktorja Doresa Rexha, në rolin kryesor. Seriali na njoftoi edhe me Mentor Pirullin (Shkumbin Istrefi), Merita Pirullin (Aurita Agushi) e me fëmijët e familjes Blerta dhe Armend Pirulli (Ema Koxha dhe Andi Bajgora).
Episodi i parë i serialit pati shumë ndodhi, të cilat besojmë se do të trajtohen e zhvillohen në episodet në vazhdim.
Rrushe është serial që trajton dy periudha kohore, me të cilat publiku do të njoftohet në episodet në vazhdim, më saktësisht të dieleve nga ora 20:00 në T7, dhe nga ora 21:00 në GjirafaVideo.
Episodin e parë të serialit Rrushe mund ta ndiqni duke klikuar këtu.
Në ambientet e kompanisë “Gjirafa” u dha premiera e serialit më të ri vendor, “Rrushe”.
Ky serial sjell në fokus jetën e një gazetareje, e cila përballet me vështirësitë e realizimi të një hulumtimi, që më pas përfshin edhe anëtarët e saj të familjes.
“Rrushe” nga sonte (e diel) ka nisur transmetimin maratonik javor në GjirafaVideo (në orën 21:00) dhe T7, (në orën 20:00).
Roli kryesor i është besuar aktores Doresa Rexha, e cila në serial luan rolin e personazhit të emëruar si Vesa Pirulli.
Ajo në një intervistë për Telegrafin ka folur mbi rolin e saj dhe eksperiencën në realizimin në tërësi të këtij projekti, i cili është punuar me shumë përkushtim dhe një ekip të madh njerësish.
“Unë e luaj Vesa Pirullin, Rrushja – nofkë të cilën ia ka lënë gjyshi i saj edhe me të vërtetë është një ndër eksperiencat më të veçanta dhe më sfiduese që kam pasur ndonjëherë. Ishin profesione te njëjta aktrim dhe gazetaria sepse për të dyja duhet të hulumtosh, si aktore për një personazh duhet t’i besh kërkimet për ta luajtur atë personazh, por e njëjta edhe si gazetare kur për një storje ose diçka duhet me kërku. Kam shikuar shumë gazetare duke u munduar të gjej disa gjeste, kështu karakteristike, prandaj edhe Rrushes, ia kam vendosur një gjest, që zakonisht i ka duart si kryesore edhe kur flet edhe ndoshta për atë po flas sot me shumë me duar”, ka thënë për Telegrafin, Doresa Rexha.
Ndërkohë, producenti dhe aktori Shkumbin Istrefi, është gjithashtu pjesë e serialit me interpretimin e një prej roleve kryesore.
Ai për Telegrafin, tregoi se është shumë i lumtur që më në fund në kinematografinë vendore, u realizua një serial i përmasave të tilla.
“Është hera e parë që po marr pjesë në një serial, por po besoj që është hera e parë që në Kosovë po bëhet një serial i zhanrit dramë-krim, i cili është profesionalisht i punuar në çdo aspekt, si në aspektin teknik, si në aspektin e skenarit, në aspektin e realizimit, në aspektin e lojës, kështu që e ndjej veten shumë krenar që jam pjesë këtij projekti. Unë jam shumë i lumtur sepse unë mendoj që audienca jonë duhet në prime-time të ketë emisione të luajtura, emisione edukative arsimore, kulturore etj. Dhe jo vetëm debate politike. Kështu që në këtë aspekt jam shumë i lumtur dhe shpresoj që këtë praktikë ta ndjekin edhe produksionet dhe televizionet tjera”, ka thënë Shkumbin Istrefi për Telegrafin.
Aktorja Aurita Agushi, e cilësoi gjithashtu si eksperiencë të veçantë pjesëmarrjen e saj në këtë serial.
Për Telegrafin, ajo zbuloi rolin të cilin do ta luajë në “Rrushe”, e që do të jetë roli i një gruaja fragjile, e cila tregohet e mirë me komunitetin shoqëror.
“Është njëra prej eksperiencave më të bukura që unë si aktore kam mundur të kem deri tani. Unë luaj Merita Pirullin, e cila është grua, bashkëshorte, nënë e tre fëmijëve, profesoreshë arti edhe që përballet me sfida si në jetën personale, ashtu edhe në atë profesionale. Jam jashtëzakonisht e lumtur sepse kjo lë të kuptojë që edhe ne kemi kapacitet të bëjmë punë të mëdha, që lirisht mundemi të konkurrojmë me serialit në rajon dhe më gjerë”, thotë aktorja Agushi.
Aktorët dhe Lum Veseli, dhe Andi Bajgora, të cilët e kanë prekur edhe mbrëmjen e madhe të ndarjes së çmimeve “Oscars”, treguan për Telegrafin se pjesëmarrja e përbashkët në një projekt tjetër të një nivelit të lartë, ishte nder dhe kënaqësi për ta.
“Tepër interesante, spontane edhe d.m.th ka atmosfera ka qenë gjithnjë interesante që mezi kemi pritur të shkojmë në set dhe t’i shohim episodet. Unë në serial jam Armend Pirulli, jam programer me profesion, Lumin e kam pasur në klasë edhe jam rritur me Lumin. Unë [Lumi] jam Arsim Zeneli, dosti i ngushtë i Armendit”, kanë thënë Andi dhe Lumi për Telegrafin.
Aktori i njohur Eshref Durmishi shprehet gjithashtu i lumtur që u bë pjesë e këtij projekti të madh kinematografik.
Duke mos dashur të zbulojë shumë mbi rolin e tij, Durmishi tha Kosova ka pasur nevojë për një serial të tillë.
“Jam shumë i lumtur që një serial i tille po realizohet në Kosovë më në fund. Kosova ka pasur nevojë për një serial të tillë, edhe ne si komunitet artistik kemi pasur nevojë për një serial të tillë, për një produksion të tillë, ku një numër i madh aktorësh ka me marr pjesë. Edhe në të ardhmen po besoj që nuk ka me qenë vetëm një sezon, por do të ketë më shumë sezone, që me pas mundësinë edhe aktoret tjerë me u inkuadru në këtë serial. Unë jam ndjerë shumë mirë, kam pasur mundësinë të punoj me Valterin edhe me përpara, edhe karakteri që unë e luaj është shumë interesant. Roli im është roli i Agimit”, ka thënë Eshref Durmishi për Telegrafin.
Para të pranishmëve në premierë, folën edhe regjisori Valter Lucaj dhe CEO i Gjirafës, Mërgim Cahani.
Ata falënderuan të gjithë ekipin për punën e mrekullueshme të bërë që nga nisja e këtij seriali e deri në vazhdimësi.
“Rrushe” është prodhimi i parë vendor me një kastë kaq të madhe aktorësh dhe një kosto të madhe të realizimit, e cila sfidon prodhimet filmike rajonale dhe më gjerë.
Nuk është thjesht një film apo serial që ngjason me telenovelat turke e ato spanjolle.
“Rrushe” – seriali më i ri vendor i zhanrit dramë/krim zhvillohet në dy periudha kohore që njëherësh kanë lidhje mes vete – për të tashmen dhe fundin e viteve ’90.
Seriali po ashtu trajton edhe disa tema të tjera me të cilat përballemi e jemi të përfshirë thuajse çdo ditë siç janë: krimi, korrupsioni, roli i gruas në shoqëri, bullizmi e çrregullimet mendore.
Me një kast të mrekullueshëm të aktorëve e me fytyrat më të dashura të ekranit, ky projekt nis që nga dita e sotme (e diel) në gjirafaVideo.com.
Për të mësuar më shumë rreth projektit më të madh të realizuar ndonjëherë, aktorja Doresa Rexha në një intervistë dhënë për Telegrafin shpalos më në detaje se çfarë saktësisht përmban seriali.
Rexha, e cila ka rolin kryesor në “Rrushe”, gjithashtu flet për sfidat dhe vështirësitë që kanë hasur gjatë xhirimeve marrë parasysh situatën tashmë të krijuar me COVID-19.
“Sa i përket serialit ‘Rrushe’ është një nga projektet më sfiduese për mua dhe në të njëjtën kohë me procesin më të bukur nga i cili jo vetëm që kam marrë mësim por edhe jam rritur personalisht dhe profesionalisht. ‘Rrushe’ është një serial dramë/krim me familjen Pirulli si protagonistë kryesorë. Në serial ngjarja zhvillohet në dy periudha kohore që ndërlidhen mes vete: Të tashmen dhe fundin e viteve ’90. Po ashtu trajton temat aktuale të cilat përballemi në përditshmëri si krimi, korrupsioni, ndikimi i familjes tek fëmijët, rolin e gruas në shoqëri, zhvillimin e karrierën, bullizmi në shkolla dhe më gjerë, tradhtinë, çrregullimet mendore. Skenarist është Jeton Kulinxha dhe Patrik Lekaj si dhe regjisor Valter Lucaj. Ky serial do t’i ketë 20 episode për fillim dhe sigurisht nëse i arrijmë apo kalojmë pritshmërinë tonë dëshirojmë që të vazhdojmë edhe shumë episode të tjerë”, ka thënë Doresa Rexha për Telegrafin.
Meqenëse është në një nga rolet kryesore në serial, Doresa flet për atë që do të luajë dhe përgjegjësinë që mban pas nofkës dhe jo vetëm.
“Unë në serial e luaj rolin e Vesa Pirullit ose ‘Rrushe’, nofkë kjo e vendosur nga gjyshi i saj. Që para një viti kur kemi filluar me konceptimin e serialit, përpos vështirësive të tjera ka qenë edhe roli i Vesës pasi që jam pjesë e Gjirafës dhe pas shumë diskutimeve me regjisorin e më shumë pjesëtarë të tij të ekipit vendosa që ta pranoj këtë rol mirëpo e gjithë kjo falë besimit të regjisorit dhe tërë ekipit që kanë pasur tek unë. Sigurisht që është përgjegjësi e madhe sepse përpos si aktore që jam munduar të dhuroj më të mirë nga vetja, po ashtu edhe përgjegjësia ndaj Gjirafës dhe ndaj ekipit që më kanë dhënë besimin e tyre. Vesa është një ndër personazhet që më ka dhënë lirinë të eksperimentoj dhe të guxoj më shumë. Falë punës me regjisorin, besimin nga Gjirafa, përvoja me gjithë këtë kast të aktorëve, mësimet që po i marrë gjatë rrugës më kanë bërë që me këtë rol të guxoj më shumë dhe të tejkaloj kufizimet që ndonjëherë i kemi ne si aktorë. Gjithsesi, me padurim pres që seriali të shfaqet që të marrë edhe sugjerime e këshilla nga publiku të cilët janë motivi dhe arsyeja e përkushtimit dhe punës tonë”, thotë më tej aktorja.
Doresa në vazhdim tregon për vështirësitë që kanë hasur gjatë xhirimeve meqë akoma ndodhemi në një gjendje të rënduar dhe që ende kërkohet zbatimi i masave antiCOVID.
“Së pari si përfaqësuese e Gjirafës ka qenë shumë e vështirë që të marrin një vendim për të prodhuar një projekt kaq të madh në një periudhë në të cilën ndodhemi por për ne gjithmonë audienca dhe përdoruesit tanë janë më të rëndësishëm se çdo gjë tjetër dhe gjithmonë mundohemi që pavarësisht vështirësive të sjellim risi për ta. Vështirësi ka pasur jashtëzakonisht shumë duke filluar nga frika dhe kujdesi sa i përket shëndetit të secilit pjesëtarët të ekipit, pastaj masat gjë që është gati e pamundur të xhirosh në rrethana të tilla, për shkak të numrit të madh të ekipit ku janë afër 80 persona shpesh herë gjatë kësaj periudhe ka ndodhur që të rezultojnë pozitivë me COVID-19, pastaj për shkak të madhësisë së projektit ka pasur sfida si bindja, besimi në projekt, menaxhimi i punëve e shumë të tjera por që nga dita e parë e ende vazhdon të na mbajë dashuria që kemi për projektin dhe motivi që me të vërtetë do të sjellim vlerë tek publiku ynë”, shton Rexha.
Si pjesë e GjirafaVideo prej vitesh, aktorja ndan arsyen kryesore se përse vijnë në jetë projekte të tilla, siç është rasti edhe me serialin “Rrushe”.
“Për fund, dua të ndaj arsyen kryesore se përse vjen në jetë një projekt si ‘Rrushe’ e si shumë punë e projekte të tjera. Si pjesë e kompanië tashmë e 7 vite, që nga fillimet e Gjirafës e deri më tani i gjithë ekipi varësisht prej departamenteve kemi punuar më shumë mund e përkushtim që të sjellim në treg produkte të cilat sjellin risi, të cilat ofrojnë zgjidhje dhe shtojnë vlerë. Një ndër këto projekte është edhe ‘Rrushe’ projekt i cili nuk do ishte realizuar pa dashurinë, besimin, përkushtimin, mundin e kujdesin e krejt ekipit të Gjirafës”, përfundon intervistën Doresa Rexha.