Shiko këtu intervistat:

“Rrushe” po afrohet drejt fundit të sezonit dhe me këtë episod arrihet pika kulminante e serialit, ku përballja me të vërtetën dhe ballafaqimi me të kaluarën shpalosen në një moment dramatik.

Vesa Pirulli dhe Faruk Pirulli. Mbesë e gjysh, përballë njëri tjetrit. Për Lëvizjen, për të kaluarën, për të tashmen. Episodi i ri i serialit “Rrushe” është një tjetër dëshmi se përse ky serial ka bërë bujë të madhe në vend. Pas thuajse pesë muajsh në transmetim, seriali i dashur vendor po afrohet drejt fundit të sezonit. E kur fundi është afër, drama nuk mungon.

Cfarë do të ndodhë mes Vesës dhe Farukut? Cfarë fati do të ketë Agim Pirulli? Po Berati dhe Sadik Hoti?

Këto pyetje gjejnë përgjigje në episodin më të ri të serialit “Rrushe”, i cili është publikuar në gjirafaVideo.com.

Shikoni episodin e nëntëmbëdhjetë të “Rrushe” më poshtë.

Shiko këtu episodin:

Prodhim i gjirafaStudios

Lëvizja Qëndresa ra në kurthë në episodin e nëntë. Bashkë më të, heroikisht ra edhe lideri i saj Zekë Jaha. Tani, pasojat e kësaj do t’i shohim në episodin e dhjetë, të sapo lansuar në gjirafaVideo.com. Derisa Vesa Pirulli kërkon të vërtetën për gjyshin e vet, Farukun, shohim se babai i saj Mentori, ka shumë për të treguar, e shumë që ka mbajtur në vete.

Ndërkohë, një tradhëtar mes burrave të Lëvizjes Qëndresa, do ta sjellë këtë grup në prag të shkatërrimit.

Episodi i dhjetë i Rrushe është i mbushur me dramë, aksion dhe mister, që vazhdimin e këtij seriali do ta bëjë edhe më atraktiv.

Rrushe rikthehet të dielën që vjen, nga ora 20:00 në kanalin T7, dhe nga ora 21:00 në gjirafaVideo.

Më poshtë mund ta shikoni episodin 10 të serialit Rrushe.

Lëvizja Qëndresa është gati për luftë.

Ndërsa Vesa Pirulli fillon të punojë në një artikull, që do ta lidhë të kaluarën me të tashmen. Artikulli ka të bëjë me 25 vjetorin e Zekë Jahës. Nga kjo, Vesa do të mësojë shumë gjëra të reja, kur të takohet me njërin nga pjesëtarët e Lëvizjes Qëndresa.

Episodi i nëntë i serialit Rrushe është shpërthim i vërtetë, pas akumulimit të ndodhive në episodet e mëhershme. Këto ndodhi që shfaqen në episodin e nëntë, do të sjellin edhe më shumë dramë në episodet e ardhshme, për pjesëtarët e Lëvizjes Qëndresa, familjen Pirulli, dhe të gjithë akterët tjerë të serialit Rrushe.

Seriali Rrushe shfaqet të dielave nga ora 20:00 në T7, e pastaj mund të shikohet kur do dhe pa pagesë në gjirafaVideo, duke filluar nga ora 21:00.

Më poshtë mund ta ndiqni episodin e nëntë të serialit Rrushe.

Shiko këtu episodin:

Prodhim i gjirafaStudios

Pas nëntë javësh në transmetim, e pas shumë ndodhive të mistershme, seriali dramë-krim Rrushe duket
se do të marrë një kthesë të papritur, që do ta ndryshojë rrjedhën e serialit. E kaluara ka filluar të lidhet
me të tashmen. Pjestarët e Lëvizjes Qëndresa, ku ndër ta edhe gjyshi i Vesës, Faruk Pirulli, babai i të
dashurit të saj Beratit, Samir Hoti, dhe babai i Dinorës, Musë Lahu, do të përballen me një luftë që do të
shkatërrojë gjithçka.
E tashmja duket e qetë, së paku në këto momente. Mirëpo, kur gjërat duket të qeta, atëherë ato fillojnë
të komplikohen. Në episodin e ri që shfaqet të dielen, shohim edhe një personazh që e kemi parë disa
herë në të kaluarën, Trim Jahën, nipin e Zekë Jahës, tani të rritur.
Takimi i Vesa Pirullit me Trim Jahën do të ndryshojë tërësisht rrjedhën e ngjarjeve.
Promon e episodit të nëntë të serialit Rrushe mund ta ndiqni më poshtë, ndërsa episodin e plotë, këtë të
diel, nga ora 20:00 në kanalin T7 dhe 21:00 në gjirafaVideo.

Pas lajmit se trupi i Arbenit u zbulua, familja Pirulli, më saktësisht Vesa, ballafaqohen me shumë probleme. Mentori, tashmë i lëshuar nga spitali, duket se ka probleme me kujtesën, por kjo nuk e ndalon atë që të kthehet në punë.
Ndërkohë, Lëvizja Qëndresa ballafaqohet me një problem të madh, i cili mund ta ndryshojë rrjedhën e tërë serialit.

Pas tetë episodave, seriali Rrushe pritet të ketë një kthesë të papritur në episodat e ardhshme, ku nuk do të mungojnë edhe vrasjet e misteret e ndryshme.
Rrushe vjen çdo javë në ekranet tuaja televizive, më saktësisht, të dielen nga ora 20:00 në T7.
Nga ora 21:00 serialit e keni të gatshëm në platformën gjirafaVideo, pa pagesë dhe në çdo kohë. Në këtë platformë ju mund t’i shikoni edhe episodet e kaluara.
Episodin e tetë të Rrushe mund ta ndiqni më poshtë.

Episodi i shtatë i Rrushe përfundoi me shumë dramë. Armend, djali i familjës Pirulli duket i lodhur nga jeta. Pas një përleshjeje, ai shihet në terrasë, duke menduar më të keqen. Ndërkohë, Mentori lirohet nga spitali, vetëm për t’u khtyer në shtëpinë e zbrazët, një sinjal që gjërat i janë kthyer kundër, pas shumë dëmeve të shkaktuara. Vesa Pirulli shihet në banesë të Berat Hotit.

Duket se kanë filluar një lidhje të bukur, deri kur në televizor shohin lajmin se është gjetur trupi i Arben Ramës dhe Festim Abazit, të vrarë në episodin e parë.

Në vitin 1995, Lëvizja Qëndresa ka filluar të zhvillohet. Burrat e Lëvizjes, me në krye Zekë Jahën, kanë filluar të mbledhin materialet e nevojshme për t’u përgatitur për luftën që po vjen. Musë Lahu përshëndetë shokun e tij Samir Hoti dhe niset për në Zvicër, ku do të tërheqë një shumë të madhe parash. Promo e episodit të tetë na tregon se rruga e kthimit do të jetë shumë e vështirë për këtë personazh.

Serialin Rrushe mund ta ndiqni të dielën, nga ora 20:00 në kanalin T7 dhe nga ora 21:00 në GjirafaVideo.

Promon e episodit më të ri që shfaqet këtë të diel mund ta shikoni më poshtë.

Rrushe po na sjellë episode shumë interesante, të cilat çdo të diel po na bëjnë më të ngujuar në këtë serial. Episodi i shtatë i serialit dramë-krim është tjetër dëshmi e kësaj, ku ndodhën shumë ngjarje të papritura për personazhet kryesore. Deri sa Mentor Pirulli lirohet nga spitali, pjestarët tjerë të familjes gjinden në situata shumë të palakmueshme, të cilat në fund të episodit arrijnë kulmin.

E kthimi në kohë, tanimë një temë e përsëritur në këtë serial, na njofton me disa personazhe të reja, pjestarë të rinj të Lëvizjes Qëndresa. Faruk Pirulli, Bashkim Pirulli, Rexhep Berisha, i bashkohen Lëvizjes Qëndresa, për t’u përgatitur për më të keqen.

Se çfarë do të ndodhë në vazhdim, mbetet të shihet. Serialin Rrushe mund ta ndiqni çdo të diel në T7, nga ora 20:00, dhe në gjirafaVideo, nga ora 21:00. Në gjirafaVideo gjithashtu i gjeni të gjitha episodat e serialit, deri në episodin e shtatë.

Më poshtë mund të shikoni episodin më të ri të serialit Rrushe: