Shiko këtu intervistat:

Shiko këtu episodin:

Prodhim i gjirafaStudios

Pas nëntë javësh në transmetim, e pas shumë ndodhive të mistershme, seriali dramë-krim Rrushe duket
se do të marrë një kthesë të papritur, që do ta ndryshojë rrjedhën e serialit. E kaluara ka filluar të lidhet
me të tashmen. Pjestarët e Lëvizjes Qëndresa, ku ndër ta edhe gjyshi i Vesës, Faruk Pirulli, babai i të
dashurit të saj Beratit, Samir Hoti, dhe babai i Dinorës, Musë Lahu, do të përballen me një luftë që do të
shkatërrojë gjithçka.
E tashmja duket e qetë, së paku në këto momente. Mirëpo, kur gjërat duket të qeta, atëherë ato fillojnë
të komplikohen. Në episodin e ri që shfaqet të dielen, shohim edhe një personazh që e kemi parë disa
herë në të kaluarën, Trim Jahën, nipin e Zekë Jahës, tani të rritur.
Takimi i Vesa Pirullit me Trim Jahën do të ndryshojë tërësisht rrjedhën e ngjarjeve.
Promon e episodit të nëntë të serialit Rrushe mund ta ndiqni më poshtë, ndërsa episodin e plotë, këtë të
diel, nga ora 20:00 në kanalin T7 dhe 21:00 në gjirafaVideo.

“Lufta po afrohet e ne jemi ba pikë e pesë.” – Episodi 8

Episodi i shtatë i Rrushe përfundoi me shumë dramë. Armend, djali i familjës Pirulli duket i lodhur nga jeta. Pas një përleshjeje, ai shihet në terrasë, duke menduar më të keqen. Ndërkohë, Mentori lirohet nga spitali, vetëm për t’u khtyer në shtëpinë e zbrazët, një sinjal që gjërat i janë kthyer kundër, pas shumë dëmeve të shkaktuara. Vesa Pirulli shihet në banesë të Berat Hotit.

Duket se kanë filluar një lidhje të bukur, deri kur në televizor shohin lajmin se është gjetur trupi i Arben Ramës dhe Festim Abazit, të vrarë në episodin e parë.

Në vitin 1995, Lëvizja Qëndresa ka filluar të zhvillohet. Burrat e Lëvizjes, me në krye Zekë Jahën, kanë filluar të mbledhin materialet e nevojshme për t’u përgatitur për luftën që po vjen. Musë Lahu përshëndetë shokun e tij Samir Hoti dhe niset për në Zvicër, ku do të tërheqë një shumë të madhe parash. Promo e episodit të tetë na tregon se rruga e kthimit do të jetë shumë e vështirë për këtë personazh.

Serialin Rrushe mund ta ndiqni të dielën, nga ora 20:00 në kanalin T7 dhe nga ora 21:00 në GjirafaVideo.

Promon e episodit më të ri që shfaqet këtë të diel mund ta shikoni më poshtë.

Pas gjashtë javësh, seriali Rrushe po vazhdon të na mrekullojë me ngjarjen interesante dhe realizimin e bukur. Kjo shihet edhe në episodin e gjashtë, ku familja Pirulli vazhdon të ballafaqohet me probleme, ndërsa në të kaluarën, Lëvizja Qëndresa duket se po zhvillohet vrullshëm.

Episodin e gjashtë e bën edhe më interesant paraqitja e dy personazheve të reja, Zekë Jaha dhe Samir Hoti, të luajtur nga Çun Lajçi dhe Adrian Morina. Këto dy personazhe duket se do të jenë shumë të rëndësishëm në ngjarjen e serialit Rrushe.

Më poshtë mund ta gjeni episodin e gjashtë të Rrushe, i cili shfaqet çdo të diel, nga ora 20:00 në kanalin T7 dhe nga ora 21:00 në gjirafaVideo.