Episodi më i ri i serialit Rrushe është këtu

Në gjirafaVideo, sonte u publikua episodi i gjashtë i serialit vendor Rrushe. Pas shumë ndodhive në pesë episodet e para, episodi i gjashtë duket si vazhdimësi e asaj që kemi parë deri tani.

Pas gjashtë javësh, seriali Rrushe po vazhdon të na mrekullojë me ngjarjen interesante dhe realizimin e bukur. Kjo shihet edhe në episodin e gjashtë, ku familja Pirulli vazhdon të ballafaqohet me probleme, ndërsa në të kaluarën, Lëvizja Qëndresa duket se po zhvillohet vrullshëm.

Episodin e gjashtë e bën edhe më interesant paraqitja e dy personazheve të reja, Zekë Jaha dhe Samir Hoti, të luajtur nga Çun Lajçi dhe Adrian Morina. Këto dy personazhe duket se do të jenë shumë të rëndësishëm në ngjarjen e serialit Rrushe.

Më poshtë mund ta gjeni episodin e gjashtë të Rrushe, i cili shfaqet çdo të diel, nga ora 20:00 në kanalin T7 dhe nga ora 21:00 në gjirafaVideo.