Gjirafa Studios
“Rrushe” në brendësi: Intervistat emocionuese të aktorëve të serialit shumë të shikuar vendor
Gjatë këtij viti u lansua seriali shumë i përfolur “Rrushe” i zhanrit dramë/krim, prodhuar nga gjirafaStudios i cili sjelli risi për nga mënyra e realizimit, kastës së aktorëve si dhe trajtimit të ngjarjeve.
“Rrushe” është seriali më i madh që është prodhuar në vendet shqipfolëse ku ka mbledhur aktorët më të mirënjohur në vend si Çun Lajçi, Xhevat Qorraj, Enver Petrovci, Bislim Muçaj, Aurita Agushi, Shkumbin Istrefi, Adriana Matoshi, Doresa Rexha, Armend Smajli, Eshref Durmishi, Adrian Morina, Arta Muçaj, Ernest Malazogu, Andi Bajgora, e shume të tjerë.
Se sa me përkushtim, dashuri e pasion është punuar ky serial kanë treguar aktorët përmes këtyre intervistave në “Rrushe në brendësi”.
Secili aktor flet me shumë emocione për eksperiencën e tyre në serial si dhe shumica prej tyre janë me lot në sy.
Intervistat mund t’i ndiqni në videon më poshtë.
Gjithë ju që nuk e keni parë sezonin i të serialit “Rrushe” e gjeni online në GjirafaVideo.com.
“Rrushe” është serial dramë/krim, me familjen Pirulli si protagonistë kryesorë. Familja Pirulli janë një familje e zakonshme prishtinase, apo së paku kështu duken në sytë e të tjerëve. Vesa, vajza e familjes, punon si gazetare hulumtuese. Por, një e kaluar e errët, e mistershme dhe brutale, që gjenezën e kishte në bujari e mirësi, rikthehet që t’ua ndryshojë jetërat atyre që më së paku e meritojnë. E në udhëkryq të kësaj ngjarje gjindet Vesa, për të cilën koncepti i drejtësisë dhe dashurisë do të ndryshojë përgjithmonë.
Seriali “Rrushe” trajton dy periudha kohore që ndërlidhen mes vete: Të tashmen dhe fundin e viteve ’90.
Rrushe – “Në brëndësi”
Rrushe “Në brendësi” – Intervista të thelluara me aktorët e serialit, tani ONLINE në gjirafaVideo.com
Episodi më drithërues i serialit Rrushe është këtu
Episodi i nëntë i serialit dramë-krim Rrushe, i prodhuar nga GjirafaStudios, u lansua në gjirafaVideo. Pas premierës në T7, episodin tani mund ta ndiqni në gjirafaVideo.com.
Lëvizja Qëndresa është gati për luftë.
Ndërsa Vesa Pirulli fillon të punojë në një artikull, që do ta lidhë të kaluarën me të tashmen. Artikulli ka të bëjë me 25 vjetorin e Zekë Jahës. Nga kjo, Vesa do të mësojë shumë gjëra të reja, kur të takohet me njërin nga pjesëtarët e Lëvizjes Qëndresa.
Episodi i nëntë i serialit Rrushe është shpërthim i vërtetë, pas akumulimit të ndodhive në episodet e mëhershme. Këto ndodhi që shfaqen në episodin e nëntë, do të sjellin edhe më shumë dramë në episodet e ardhshme, për pjesëtarët e Lëvizjes Qëndresa, familjen Pirulli, dhe të gjithë akterët tjerë të serialit Rrushe.
Seriali Rrushe shfaqet të dielave nga ora 20:00 në T7, e pastaj mund të shikohet kur do dhe pa pagesë në gjirafaVideo, duke filluar nga ora 21:00.
Më poshtë mund ta ndiqni episodin e nëntë të serialit Rrushe.
Publikohet promo e episodit të gjashtë (6) të serialit Rrushe
Në gjirafaVideo është publikuar promo e episodit të gjashtë të serialit Rrushe, i cili duket që po bëhet shumë interesant në secilën episodë që po shfaqet.
Rrushe po vazhdon me ngjarjen misterioze dhe dramatike, e cila po zhvillohet nga të gjitha anët. Kur themi nga të gjitha anët, nënkuptojmë vrasjet e episodit të parë, lëndimin e Mentor Pirullit, Lëvizjen Qëndresa në Dresden, e arritjen e Musë Lahut në Gjakovë.
E kaluara dhe e tashmja kanë problemet e tyre, të cilat duket se do të thellohen edhe më shumë.
Në episodin e gjashtë shohim disa fytyra të reja që do të paraqiten në serialin Rrushe, si ajo e aktorit Çun Lajçi dhe Adrian Morina.
Seriali Rrushe rikthehet të dielën, nga ora 20:00 në T7 dhe nga ora 21:00 në gjirafaVideo.
Më poshtë mund ta shikoni promon e episodit të gjashtë të serialit Rrushe.
Lansohet episodi i ri i Rrushe – Seriali kthehet mbrapa në kohë
Sonte u lansua episodi i katërt i serialit vendor Rrushe, i cili shfaqet çdo të diel nga ora 20:00 në kanalin
T7, si dhe nga ora 21:00 në gjirafaVideo. E veçanta e këtij episodi është se ngjarja kthehet në të kaluarën,
më saktësisht në vitin 1995.
Një lëvizje e re po fillon në vitin 1995. Kjo lëvizje patriotike, me zanafillë në Dresden të Gjermanisë, fillon
me dy personazhe të reja të serialit, Demir Jaha dhe Musë Lahu. Dy personazhet shihen teksa fshihen
nga shërbimet sekrete të armikut, e bisedojnë për lëvizjen e quajtur “Qëndresa”.
Kjo ngjarje, e ndërlidhur me ngjarjet e të tashmes, duket se do ta dërgojë serialin në ujëra të thella,
ngjarjet e së cilës ende nuk dihet se si do të ndërlidhen mes vete. Episodi i kaluar i serialit përfundoi me
Vesa Pirullin, që mori lajmin për vdekjen e Ministër Sinanit, dhe Berat Hotin, protagonist dhe shkaktar i
ngjarjes në episodin e parë, që i afrohet Vesës për t’u njoftuar.
Këto dhe shumë ngjarje tjera, pritet të bëhen edhe më dramatike në episodin e katërt, i cili sapo u
lansua në gjirafaVideo.
Më poshtë mund ta ndiqni episodin e katërt të serialit Rrushe.
Publikohet promoja e episodit të katërt të serialit Rrushe – Kthehemi në vitet e 90-ta!
Episodi i katërt i serialit vendor Rrushe duket shumë interesant. Në promon e publikuar në gjirafaVideo, çfarë bjen në sy është një skenë nga e kaluara, personazhe të reja dhe fillimin e një lëvizjeje rezistence.
Seriali Rrushe rikthehet këtë të diel, nga ora 20:00 në kanalin T7 dhe nga ora 21:00 në gjirafaVideo. Seriali që po bëhet më atraktiv çdo episodë, duket se do të vazhdojë me ritmin e njëjtë edhe në episodin e katërt.
Deri tani kemi parë familjen Pirulli, e disa personazhe tjera, teksa ballafaqohen me vrasje, mister, e intriga. Mirëpo, në episodin e katërt duket se gjërat do të ndryshojnë. Një skenë nga promo e këtij episodi tregon se ngjarja kthehet në të kaluarën, ku dy personazhe bisedojnë për një lëvizje, të quajtur Lëvizja Qëndresa.
Duke mos dashur t’ia humbim efektin e befasisë kësaj episode, ju ftojmë ta ndiqni promon KËTU, ndërsa të dielen të përgatiteni për një episodë shumë të veçantë të serialit më të ri dramë-krim në vend.
Episodi i tretë i serialit Rrushe është këtu!
Në 20:00 në T7 u shfaq episodi i ri i serialit Rrushe, të cilin nga ora 21:00 mund ta shikoni ku do që jeni,
në çdo kohë, dhe pa pagesë, në gjirafaVideo.
Pas një jave pritje, sonte u shfaq episodi i tretë i serialit Rrushe, një serial që ka thyer barrierat filmike në
vend, e që po vazhdon të zhvillohet me ngjarje shumë interesante. Pasojat e dy episodave të para kanë
filluar të vërehen, e kjo shihet më së miri në fillimin e episodit 3.
Se çfarë po ndodhë me familjen Pirulli, e me protagonistët tjerë, dhe kush janë personazhet e reja që
shfaqen në episodin e ri, ndiqni serialin më të ri vendor Rrushe, në gjirafaVideo, nga ora 20:00, nëse ju
ka ikur në kanalin T7, i cili shfaqet nga ora 20:00.
Rrushe shfaqet çdo të diel, ndërsa episodin e sontëm mund ta ndiqni më poshtë.
Jepet premiera e serialit “Rrushe” në Prishtinë – aktorët rrëfejnë emocionet e tyre në nisjen e këtij projekti
Në ambientet e kompanisë “Gjirafa” u dha premiera e serialit më të ri vendor, “Rrushe”.
Ky serial sjell në fokus jetën e një gazetareje, e cila përballet me vështirësitë e realizimi të një hulumtimi, që më pas përfshin edhe anëtarët e saj të familjes.
“Rrushe” nga sonte (e diel) ka nisur transmetimin maratonik javor në GjirafaVideo (në orën 21:00) dhe T7, (në orën 20:00).
Premiera e serialit “Rrushe” në ambientet e kompanisë “Gjirafa” (Foto: Telegrafi)
Roli kryesor i është besuar aktores Doresa Rexha, e cila në serial luan rolin e personazhit të emëruar si Vesa Pirulli.
Ajo në një intervistë për Telegrafin ka folur mbi rolin e saj dhe eksperiencën në realizimin në tërësi të këtij projekti, i cili është punuar me shumë përkushtim dhe një ekip të madh njerësish.
“Unë e luaj Vesa Pirullin, Rrushja – nofkë të cilën ia ka lënë gjyshi i saj edhe me të vërtetë është një ndër eksperiencat më të veçanta dhe më sfiduese që kam pasur ndonjëherë. Ishin profesione te njëjta aktrim dhe gazetaria sepse për të dyja duhet të hulumtosh, si aktore për një personazh duhet t’i besh kërkimet për ta luajtur atë personazh, por e njëjta edhe si gazetare kur për një storje ose diçka duhet me kërku. Kam shikuar shumë gazetare duke u munduar të gjej disa gjeste, kështu karakteristike, prandaj edhe Rrushes, ia kam vendosur një gjest, që zakonisht i ka duart si kryesore edhe kur flet edhe ndoshta për atë po flas sot me shumë me duar”, ka thënë për Telegrafin, Doresa Rexha.
Doresa Rexha (Foto: Telegrafi)
Ndërkohë, producenti dhe aktori Shkumbin Istrefi, është gjithashtu pjesë e serialit me interpretimin e një prej roleve kryesore.
Ai për Telegrafin, tregoi se është shumë i lumtur që më në fund në kinematografinë vendore, u realizua një serial i përmasave të tilla.
“Është hera e parë që po marr pjesë në një serial, por po besoj që është hera e parë që në Kosovë po bëhet një serial i zhanrit dramë-krim, i cili është profesionalisht i punuar në çdo aspekt, si në aspektin teknik, si në aspektin e skenarit, në aspektin e realizimit, në aspektin e lojës, kështu që e ndjej veten shumë krenar që jam pjesë këtij projekti. Unë jam shumë i lumtur sepse unë mendoj që audienca jonë duhet në prime-time të ketë emisione të luajtura, emisione edukative arsimore, kulturore etj. Dhe jo vetëm debate politike. Kështu që në këtë aspekt jam shumë i lumtur dhe shpresoj që këtë praktikë ta ndjekin edhe produksionet dhe televizionet tjera”, ka thënë Shkumbin Istrefi për Telegrafin.
Shkumbin Istrefi (Foto: Telegrafi)
Aktorja Aurita Agushi, e cilësoi gjithashtu si eksperiencë të veçantë pjesëmarrjen e saj në këtë serial.
Për Telegrafin, ajo zbuloi rolin të cilin do ta luajë në “Rrushe”, e që do të jetë roli i një gruaja fragjile, e cila tregohet e mirë me komunitetin shoqëror.
“Është njëra prej eksperiencave më të bukura që unë si aktore kam mundur të kem deri tani. Unë luaj Merita Pirullin, e cila është grua, bashkëshorte, nënë e tre fëmijëve, profesoreshë arti edhe që përballet me sfida si në jetën personale, ashtu edhe në atë profesionale. Jam jashtëzakonisht e lumtur sepse kjo lë të kuptojë që edhe ne kemi kapacitet të bëjmë punë të mëdha, që lirisht mundemi të konkurrojmë me serialit në rajon dhe më gjerë”, thotë aktorja Agushi.
Aurita Agushi (Foto: Telegrafi)
Aktorët dhe Lum Veseli, dhe Andi Bajgora, të cilët e kanë prekur edhe mbrëmjen e madhe të ndarjes së çmimeve “Oscars”, treguan për Telegrafin se pjesëmarrja e përbashkët në një projekt tjetër të një nivelit të lartë, ishte nder dhe kënaqësi për ta.
“Tepër interesante, spontane edhe d.m.th ka atmosfera ka qenë gjithnjë interesante që mezi kemi pritur të shkojmë në set dhe t’i shohim episodet. Unë në serial jam Armend Pirulli, jam programer me profesion, Lumin e kam pasur në klasë edhe jam rritur me Lumin. Unë [Lumi] jam Arsim Zeneli, dosti i ngushtë i Armendit”, kanë thënë Andi dhe Lumi për Telegrafin.
Andi Bajgora dhe Lum Veseli (Foto: Telegrafi)
Aktori i njohur Eshref Durmishi shprehet gjithashtu i lumtur që u bë pjesë e këtij projekti të madh kinematografik.
Duke mos dashur të zbulojë shumë mbi rolin e tij, Durmishi tha Kosova ka pasur nevojë për një serial të tillë.
“Jam shumë i lumtur që një serial i tille po realizohet në Kosovë më në fund. Kosova ka pasur nevojë për një serial të tillë, edhe ne si komunitet artistik kemi pasur nevojë për një serial të tillë, për një produksion të tillë, ku një numër i madh aktorësh ka me marr pjesë. Edhe në të ardhmen po besoj që nuk ka me qenë vetëm një sezon, por do të ketë më shumë sezone, që me pas mundësinë edhe aktoret tjerë me u inkuadru në këtë serial. Unë jam ndjerë shumë mirë, kam pasur mundësinë të punoj me Valterin edhe me përpara, edhe karakteri që unë e luaj është shumë interesant. Roli im është roli i Agimit”, ka thënë Eshref Durmishi për Telegrafin.
Eshref Durmishi (Foto: Telegrafi)
Para të pranishmëve në premierë, folën edhe regjisori Valter Lucaj dhe CEO i Gjirafës, Mërgim Cahani.
Ata falënderuan të gjithë ekipin për punën e mrekullueshme të bërë që nga nisja e këtij seriali e deri në vazhdimësi.
“Rrushe” është prodhimi i parë vendor me një kastë kaq të madhe aktorësh dhe një kosto të madhe të realizimit, e cila sfidon prodhimet filmike rajonale dhe më gjerë.